Ложистикийн салбарт бараа бүтээгдэхүүн нэг газраас нөгөө рүү тээвэрлэх явцад олон төрлийн эрсдэл үүсэх боломжтой байдаг. Бараа тээвэрлэлттэй холбоотой хамгийн нийтлэг эрсдэл юу болох, ачааны даатгалд хамруулах нь ямар ач холбогдолтой талаар мэдэж байх нь чухал юм.
Ачаа тээврийн даатгал гэж юу вэ?
Ачаа тээврийн даатгал нь тээвэрлэлтийн явцад бараа бүтээгдэхүүнд учирч болох хохирол, алдагдал, гэмтэл, хулгай зэргээс хамгаалдаг санхүүгийн хамгаалалт юм. Энэ нь агаар, далай, төмөр зам, авто замын аль ч төрлийн тээвэрлэлтийн үед хамаарна. Бизнесээ гэнэтийн эрсдэлээс хамгаалах, харилцагчидтай итгэлцлийг нэмэгдүүлэх болон санхүүгийн тогтвортой байдлыг хангах зэрэг маш олон давуу талтай.
Яагаад ачааны даатгал хийх хэрэгтэй вэ?
- Тээвэрлэлтийн үеийн эрсдэл ихтэй
- Далайн салхи, осол, гал, үер зэрэг байгалийн хүчин зүйлс
- Бараа эвдрэх, алдагдах, хулгайд өртөх
- Олон улсын тээвэрт тодорхойгүй байдал их
- Олон улс дамнасан хил гаалийн асуудал
- Харилцагч талуудын хариуцлагын хязгаарлалтууд
- Санхүүгийн алдагдлаас сэргийлэх
- Бага үнэтэй бараа ч гэмтсэн тохиолдолд зардал нэмэгдэнэ
- Бүх хохирлыг өөрөөсөө гаргах нь бизнесийн эрсдэлтэй
Хэзээ ачааны даатгал хийх хэрэгтэй вэ?
- Экспорт, импортын болон бусад тээвэр хийх үед
- Үнэ цэнтэй, амархан эвдэрдэг бараа тээвэрлэх үед
- Алс холын тээвэрлэлтийн үед (жишээ нь: далайн тээвэр)
- Тодорхойгүй нөхцөлтэй улс руу бараа явуулах үед
- Гэрээний дагуу хариуцлагаа хамгаалах шаардлагатай үед
Бараа бүтээгдэхүүнээ аюулгүй, санаа амар хүргэхийг хүсэж байвал ачааны даатгал бол зайлшгүй сонголт. Танай бизнесийн нэр хүнд, харилцагчийн итгэл, мөнгөн урсгалыг хамгаалах ухаалаг хөрөнгө оруулалт юм.
